დაგეგმეთ თქვენი ვიზიტი საქართველოს ეროვნულ მუზეუმში

სამუშაო საათები 

სამშაბათი-კვირა 10:00-დან 18:00 საათამდე

მუზეუმში ბოლო ვიზიტორი დაიშვება 17:30 საათზე.

არასამუშაო დღეები: ორშაბათი და ოფიციალური დასვენების დღეები. 

ბილეთის საფასური 

*გთხოვთ, სალაროსთან წარმოადგინოთ სტატუსის დამადასტურებელი დოკუმენტი

ქვემოთ ჩამოთვლილი დოკუმენტის წარდგენით მუზეუმში შესვლა უფასოა: 

• 6 წლამდე ბავშვებისთვის
• მუზეუმის მეგობრებისთვის (გაწევრიანდი)
• ICOM-ის წევრებისთვის
• „Culture Card" ბარათების მფლობელთათვის
• ქართველი და უცხოელი ჟურნალისტებისთვის
• საქართველოსა და უცხოეთის სახელმწიფო მუზეუმების თანამშრომლებისთვის
• მხატვართა გილდიის წევრი მხატვრებისთვის
• მხატვართა კავშირის წევრებისთვის
• შეზღუდული შესაძლებლობების მქონე პირისა და მისი თანმხლები პირისთვის
• სოციალურად დაუცველი პირებისთვის
• იძულებით გადაადგილებულ პირთათვის
• საქართველოს ტერიტორიული მთლიანობისათვის წარმოებულ ბრძოლებში, საერთაშორისო სამშვიდობო მისიებსა და სამსახურეობრივი მოვალეობის შესრულების დროს დაჭრილი და დაშავებული სამხედრო მოსამსახურეებისთვის
• საბავშო და სასკოლო ჯგუფების თანმხლები ორი მშობლისთვის.

ბილეთები ასევე შეგიძლიათ შეიძინოთ ელექტრონულად, ვებგვერდზე biletebi.ge

გიდის თანხლებით ტურების საფასური

გიდის მომსახურება ყველა მუზეუმში წარმოებს ქართულ, ინგლისურ, გერმანულ და რუსულ ენებზე.

რჩევები და წესები

• ბოლო ბილეთი გაიყიდება მუზეუმის დაკეტვამდე 30 წუთით ადრე. საგამოფენო დარბაზებს ვიზიტორები ტოვებენ მათ დაკეტვამდე 10 წუთით ადრე
• 12 წლამდე ასაკის ბავშვებს უნდა ახლდეთ მშობლები ან ზრდასრული,  პასუხისმგებელი პირი
• აღმზრდელები, მასწავლებლები და ჯგუფის ხელმძღვანელები პასუხისმგებელი არიან მათი თანმხლები ბავშვებისა და ახალგაზრდების  საქციელზე
• დაუშვებელია:მუზეუმში სირბილი, ხმაური, სიგარეტის მოწევა, ბავშვის კისერზე შესმა და მუზეუმის ისე დათვალიერება
• ჭამა ან დალევა დასაშვებია მხოლოდ მუზეუმის კაფეში ან მუზეუმის ეზოში განთავსებულ ტერასაზე
• დამთვალიერებელთა ჯგუფის თითოეული წევრი უნდა იმყოფებოდეს  ჯგუფის ხელმძღვანელის შორიახლოს. ხელმძღვანელი პასუხიმგებელია მათს საქციელზე
• მუზეუმის ადმინისტრაციის წერილობითი ნებართვის გარეშე დაუშვებელია ხელოვნების ნიმუშების საგამოფენო დარბაზებში კოპირება
• დამთვალიერებელმა ბილეთი უნდა შეინახოს ვიზიტის ბოლომდე და მოთხოვნის შემთხვევაში ხელახლა წარუდგინოს შესაბამის პირს
• საქართველოს ეროვნული მუზეუმის მიერ გაცემული ბილეთი უკან არ დაიბრუნება და არ გაიცვლება
• დამთვალიერებლები რომლებით სარგებლობენ შეღავათიანი ტარიფით ან უფასო შესვლის უფლებით, ბილეთების დახლთან უნდა წარადგინონ შესაბამისი საბუთი
• საქართველოს ეროვნული მუზეუმის საზოგადოებრივსა და საგამოფენო სივრცეებში აკრძალულია შეტანა:
• ქიმიური და ტოქსიკური ნივთიერებების
• საბრძოლო იარაღის
• საკვებისა და სასმელი ბოთლების
• სახიფათო,  ბასრი, ძალიან მძიმე  და დიდი ზომის ნივთების
• ხელოვნების ნიმუშების, ხელოვნების ნიმუშის ნებისმიერი ტიპის რეპროდუქციისა ან მულაჟის
• სკუტერების, სკეიტბორდების და ველოსიპედების
• ცხოველების

საკონტაქტო ინფორმაცია

თბილისი, მერაბ ბერძენიშვილის 25 (კუს ტბის გზატკეცილი)
ტელ.: + (995 32) 272 90 45/46
ფაქსი: +(995 32) 298 21 33
ელ-ფოსტა: info@museum.ge

გიორგი ჩიტაიას სახელობის ქართული ხუროთმოძღვრებისა და ყოფის სახელმწიფო მუზეუმი (ეთნოგრაფიული მუზეუმი ღია ცის ქვეშ)

ქართული ეთნოგრაფიული სკოლის ფუძემდებლის, აკადემიკოს გიორგი ჩიტაიას ინიციატივითა და ხელმძღვანელობით, 1966 წელს დაარსდა კავკასიაში პირველი ეთნოგრაფიული მუზეუმი, რომელსაც ქართული ხუროთმოძღვრებისა და ყოფის სახელმწიფო მუზეუმი ეწოდა. 

ეთნოგრაფიული მუზეუმი წარმოადგენს საქართველოს მინიატურულ მოდელს და ასახავს მის მრავალფეროვან ეთნოკულტურას. მუზეუმის ტერიტორია მოიცავს 52 ჰექტარს და დაყოფილია 11 ზონად. მუზეუმის გენერალურ გეგმის ავტორია ლონგინოზ სუმბაძე. ხალხური ხუროთმოძღვრებისა და ყოფისათვის დამახასიათებელი ობიექტები გამოფენილია 10 ისტორიულ-ეთნოგრაფიულ ზონაში. მუზეუმში წარმოდგენილია 70-მდე საცხოვრებელი სახლი და სამეურნეო ნაგებობა საქართველოს რეგიონებიდან: ქართლი, კახეთი, სამცხე-ჯავახეთი, იმერეთი, გურია, სამეგრელო, აჭარა, აფხაზეთი, რაჭა-ლეჩხუმი და სვანეთი. ერთი-ერთი ზონა ეთმობა ისტორიულ-არქეოლოგიურ ძეგლებს, რომელთა შორისაა V-VI საუკუნის სიონის ბაზილიკა, ძვ.წ. II ათასწლეულის აკლდამა (დოლმენი) აფხაზეთიდან და საფლავის ქვების მდიდარი კოლექცია.

მუზეუმის საგანმანათლებლო ცენტრში გაზაფხულსა და შემოდგომაზე მიმდინარეობს ხალხური რეწვის პროგრამა, სადაც ყველა თაობის წარმომადგენელს შუეძლია შეისწავლოს მჭედლობის, მეთუნეობის, ხეზე კვეთის, ფარდაგებისა და წინდების ქსოვის ტრადიციული მეთოდები. 

ყოველ შაბათ-კვირას, დამთვალიერებელს საშუალება ეძლევა სამუზეუმო ექსპოზიციებთან ერთად გაეცნოს ქართველი ხალხის ყოფა-ცხოვრების გაცოცხლებულ ისტორიას.

სამეგრელოს ზონაში ფუნქციონირებს ეთნოგრაფის სახლი, სადაც წარმოდგენილია მუზეუმის დამფუძნებლის აკადემიკოს გიორგი ჩიტაიას მემორიალური კაბინეტი, ქართველი ეთნოგრაფების წიგნსაცავი და ქართველ დიდგვაროვანთა საქორწინო სამოსი.

მუზეუმი ღია ცის ქვეშ სამეცნიერო-საგანმანათლებლო დაწესებულებაა, სადაც თავმოყრილია საბუნებისმეტყველო, მატერიალური და კულტურული მემკვიდრეობის ძეგლები.