13 დეკემბერს, 16:00 საათზე, სიმონ ჯანაშიას სახელობის საქართველოს მუზეუმში პროფესორი დიმიტრი გეგენავა გამართავს საჯარო ლექციას - „ეკლესია-სახელმწიფოს ურთიერთობები და სამართალი დავით აღმაშენებლის ეპოქაში". ამით დასრულდება ეროვნული მუზეუმის საგანმანათლებლო ცენტრის მიერ, დავით აღმაშენებლის მონეტის გამოფენის ფარგლებში, შემოთავაზებული ლექციათა ციკლი.

ლექციის დაწყებამდე (15:00-დან) დამსწრეებს საშუალება ექნებათ ეროვნული მუზეუმის საგამოფენო სივრცეში ბოლოჯერ იხილონ დავით აღმაშენებლის მონეტა.

დასწრება თავისუფალია!

ლექციის ჩატარების დრო: 13 დეკემბერი | 16:00
მისამართი: სიმონ ჯანაშიას სახელობის საქართველოს მუზეუმის IV სართული, შოთა რუსთაველის გამზ. 3