- გამოფენები
- ჩატარებული გამოფენები
როლანდ დუმბაძის ნამუშევრების რეტროსპექტული გამოფენა
27 იანვარი 2015 – 03 თებერვ. 2015
27 იანვარს 18:00 საათზე საქართველოს ეროვნული მუზეუმის თბილისის ისტორიის მუზეუმში წარმოგიდგენთ როლანდ დუმბაძის რეტროსპექტულ გამოფენას.
გამოფენის მიზანია, დიდი ხნის შემდეგ ფართო საზოგადოებას წარუდგინოს როლანდ დუმბაძის მიერ, წლების მანძილზე, განსაკუთრებულ ფერწერულ სტილში შექმნილი საუკეთესო ნამუშევრები.
როლანდ დუმბაძემ დაამთავრა სამხატვრო აკადემიის სამრეწველო გრაფიკის სპეციალობა. 1978 წლიდან მუშაობდა მხატვარ-გრაფიკოსად საქართველოს ტელევიზიის I არხზე, თბილისის დიზაინის კვლევით ინსტიტუტში და მოსე თოიძის სახელობის სამხატვრო სასწავლებელში. აღსანიშნავია, რომ მხატვარმა შექმნა ფორმის დიზაინი საქართველოს ფეხბურთის ნაკრებისათვის.
მხატვარი 1990-დან ცხოვრობს და მოღვაწეობს მოსკოვში, სადაც გახსნა საბავშვო სტუდია, მიიღო აქტიური მონაწილეობა ,,არბატის ივერიის" გალერეის შექმნაში, კურირებდა ქართველი მხატვრების გამოფენებს მოსკოვში.
2004 წლიდან დღემდე ავტორმა გამოფენები გამართა მსოფლიოს სხვადასხვა ქალაქებში: ნიცა, ნიუ-იორკი, ლოს-ანჟელესი, მადრიდი, ვალენსია, ბერლინი და ა.შ. 2009 წელს როლანდ დუმბაძე დაბრუნდა საქართველოში და გახსნა მოდის, დიზაინისა და მოდელირების სტუდია. ამავდროულად ის გახლავთ მოწვეული პედაგოგი სამხატვრო აკადემიაში.
გამოფენა გაგრძელდება 3 თებერვლამდე.
მისამართი: იოსებ გრიშაშვილის სახელობის თბილისის ისტორიის მუზეუმი, სიონის ქუჩა 8.