12 დეკემბერი 2014 – 14 დეკემბერი 2014

თბილისის ისტორიის მუზეუმი

2014 წლის 12 დეკემბერს 15:00 საათზე საქართველოს ეროვნული მუზეუმის იოსებ გრიშაშვილის სახელობის თბილისის ისტორიის მუზეუმში გიწვევთ გამოფენის გახსნაზე სახელწოდებით ,,საქართველოს ქალები ხუროთმოძღვრებაში".

საზოგადოების განვითარების ყველა ეტაპზე, თითქმის ყველა სფეროში ქართველი ქალები წარმატებულად მოღვაწეობენ. მათ შორის გახლავთ ისეთი, ერთი შეხედვით „არაქალური" პროფესიები, როგორიც არის სამშენებლო ბიზნესი და ხუროთმოძღვრება. განსაკუთრებულია ქალების წვლილი ქართული დიზაინის განვითარების საქმეში.

სწორედ ქალების მნიშვნელოვანი როლის შეფასებასა და დაფასებას აღნიშნულ სფეროში და მათი საქმიანობის შემდგომი მოტივირების წახალისებას ეძღვნება ფორუმი, რომელიც გამოფენისა და დიალოგის ფორმატში გაიმართება. ფორუმის ფარგლებში განხილულ იქნება საქართველოს სამშენებლო სექტორში ახალგაზრდა ქალების კარიერისა და სამეწარმეო გამოცდილების განვითარების პერსპექტივა; ქალთა ქსელებისა და ბიზნეს გაერთიანებების ფუნქციონირება; მათი მიზნები, მიზნის მიღწევის გზები და მეთოდები; ქალთა ქსელების სტრატეგიები, აგრეთვე ქალთა ქსელების მხარდაჭერის ფორმები. მათი ინსტიტუციონალური უზრუნველყოფა, კრეატიული მრეწველობის, განსაკუთრებით არქიტექტურისა და დიზაინის ხელშეწყობის გზები და მეთოდები ადგილობრივი და საერთაშორისო მასშტაბებით.

ღონისძიების ორგანიზატორია გერმანიის საერთაშორისო თანამშრომლობის საზოგადოების (GIZ) პროგრამა ,,კერძო სექტორის განვითარება სამხრეთ კავკასიაში”. მხარდამჭერები არიან:  საქართველოს ეროვნული მუზეუმი, საქართველოს ეკონომიკისა და მდგრადი განვითარების სამინისტრო, საქართველოს განათლებისა და მეცნიერების სამინისტრო და საქართველოს არქიტექტორთა კავშირი.

მისამართი: იოსებ გრიშაშვილის სახელობის თბილისის ისტორიის მუზეუმი, სიონის ქუჩა 8.