მიმდინარე ღონისძიებები

29 ნოემბერი 2017

ქართული ღვინო გინესის რეკორდების წიგნში შევიდა

ღვინის ქიმიური შემადგენლობა ჩვენს წელთაღრიცხვამდე 6 000 წლით თარიღდება. გინესის მსოფლიო რეკორდების ოფიციალურ ვებგვერდზე გამოქვეყნებულ ინფორმაციაში წერია, რომ საქართველოში არქეოლოგიური გათხრების შედეგად აღმოჩენილი უძველესი ქვევრიც ამ ფაქტს მოწმობს. 
29 ოქტომბერი 2017

აკაკი წერეთლის სახელმწიფო მუზეუმის საექსპოზიციო დარბაზის გახსნა

2017 წლის 29 ოქტომბერს სოფელ სხვიტორში აკაკი წერეთლის სახელმწიფო მუზეუმის საექსპოზიციო დარბაზი გაიხსნა.      
09 ოქტომბერი 2017

საქართველოს ეროვნული მუზეუმი ,,ქართული ღვინის ორდენით’’ დაჯილდოვდა

საქართველოს ეროვნული მუზეუმი საქართველოს სომელიეთა ასოციაციის მიერ დაჯილდოვდა ,,ქართული ღვინის ორდენით'' საფრანგეთის ქალაქ ბორდოში, ღვინის მსოფლიო ცივილიზაციის ცენტრში (Cite des Civilisations Du Vin) ქართული ღვინის ისტორიისა და კულტურის წარმოჩენისა და გამოფენის - ,,საქართველო - მეღვინეობის აკვანი" ორგანიზებისთვის.  
28 სექტემბერი 2016

საქართველოს ეროვნული მუზეუმი 2016 წელს საჯარო ინფორმაციის ხელმისაწვდომობის უზრუნველყოფისათვის დაჯილდოვდა

თავისუფლების განვითარების ინსტიტუტისა (IDFI) და ფონდი ღია საზოგადოება საქართველოს (OSGF) მიერ საქართველოს ეროვნული მუზეუმი დასახელდა ერთ-ერთ ყველაზე ღია დაწესებულებად საქართველოში. მუზეუმი დაჯილდოვდა 2016 წელს საჯარო ინფორმაციის ხელმისაწვდომობის უზრუნველყოფისათვის. ღონისძიება 28 სექტემბერს სასტუმრო „ქორთიარდ მერიოტში" გაიმართა. ჯილდო საჯარო ინფორმაციის ხელმისაწვდომობის უზრუნველყოფისათვის მუზეუმს უკვე მესამე წელია გადაეცემა. 
11 აპრილი 2016

სვანეთის მუზეუმი ნომინირებულია სამუზეუმო სფეროში საზოგადოების ჩართულობის ამაღლებაში შეტანილი მნიშვნელოვანი წვლილისათვის

ევროპის ,,2016 წლის მუზეუმის” დაჯილდოების ცერემონიალი მიმდინარე წლის 9 აპრილს ტოლოზასა და სან სებასტიანში (ესპანეთი) გაიმართა. სვანეთის ისტორიისა და ეთნოგრაფიის მუზეუმი ფორუმის მიერ წარდგენილი იყო ნომინაციაში: „სამუზეუმო სფეროში საზოგადოების ჩართულობის ხარისხის ამაღლებაში შეტანილი მნიშვნელოვანი წვლილისათვის“.
24 ივნისი 2015

ფონდი თბილისის მოზარდთა სახლის ჯილდო საქართველოს ეროვნულ მუზეუმს

2015 წლის 24 ივნისს საქართველოს ეროვნული მუზეუმი დაჯილდოვდა ფონდი თბილისის მოზარდთა სახლის მიერ თბილისის რეგიონის პარტნიორი ორგანიზაციისა და სამოქალაქო განათლების კლუბებისათვის გაწეული მხარდაჭერისთვის.