13/13

30 ნოემბერი 2012 – 10 დეკემბერი 2012

თბილისის ისტორიის მუზეუმი

საქართველოს ეროვნული მუზეუმის თბილისის ისტორიის მუზეუმი 2012 წლის 30 ნოემბერს წარმოგიდგენთ პაპუნა პაპასკირისა და ნინო კალანდიას გამოფენას 13/13".

გამოფენაზე წარმოდგენილი იქნება ქართველი მხატვრების, ნინო კალანდიასა და პაპუნა პაპასკირის ერთობლივი შემოქმედება. ორივე მხატვარი წარმოშობით სოხუმიდან არის. მათი შინაგანი, მუდმივი განცდის შედეგია აფხაზეთის თემაზე შექმნილი ახალი ნამუშევრები. აღსანიშნავია, რომ გამოფენის ავტორები, 19 წლის შემდეგ, პირველად ეხებიან ამ თემატიკას.

პროექტის კონცეფციაა პირობითად გააზრებული აფხაზეთის კონფლიქტი, რომელიც 13 თვეს და 13 დღეს გაგრძელდა და უამრავი ადამიანის სიცოცხლე შეიწირა. გამოფენა არ ეძღვნება ომს და არც მშვიდობას, ის ეძღვნება შთაბეჭდილებებსა და შეგრძნებებს, ტკივილსა და სიხარულს, გაცნობიერებულსა თუ გაუცნობიერებელს, მარტოობასა და სიჩუმეს.

გამოფენის გახსნა: 30 ნოემბერი 2012 წ. 17:00სთ.

გამოფენა გაგრძელდება 2012 წლის 10 დეკემბრამდე.

მისამართი: სიონის ქ. #8 თბილისის ისტორიის მუზეუმი (ქარვასლა)