ქართული ხელოვნების ოსტატები

10 ოქტომბ. 2018 – 05 ოქტომბ. 2019

ეროვნული გალერეა

საქართველოს ეროვნული მუზეუმის დიმიტრი შევარდნაძის სახელობის ეროვნულ გალერეაში წარმოგიდგენთ გამოფენას „ქართული ხელოვნების ოსტატები".

ექსპოზიციაზე დამთვალიერებელი იხილავს XX საუკუნის ათიანი წლებიდან მოღვაწე ქართველ პროფესიონალ მხატვართა შემოქმედებას, სადაც ნათლად ჩანს თანამედროვე ხელოვნების პრობლემების გადაწყვეტისაკენ სწრაფვა.

გამოფენაზე წარმოდგენილი მხატვრების - კირილე ზდანევიჩის, შალვა ქიქოძის, ქეთევან მაღალაშვილის და ელენე ახვლედიანის შემოქმედების ექსპოზიცია, ლადო გუდიაშვილისა და დავით კაკაბაძის ნამუშევრებთან ერთად, მთლიანობაში გვიჩვენებს ქართული მხატვრული სკოლის მრავალფეროვნებას და მის ესთეტიკას. 

ეროვნული გალერეის მეორე სართულზე წარმოდგენილი ნამუშევრები წარმოაჩენს გამორჩეულ ქართველ მხატვართა ინდივიდუალიზმს, იმ პერიოდის ქართული მხატვრობის საერთო სახეს და მის ეროვნულ თავისებურებას, ასევე, ქართული მხატვრობის თანადროულ ხასიათს საერთო ევროპულ მხატვრულ პროცესებთან მიმართებაში.

გამოფენის ხანგრძლივობა: 10 ოქტომბერი, 2018  - 5 ოქტომბერი, 2019
მისამართი. შევარდნაძის სახელობის ეროვნული გალერეა, . რუსთაველის გამზირი 11.

◆ გალერეა მუშაობს ყოველდღე ორშაბათის გარდა, 10:00-დან 17:30 საათამდე.
შესასვლელი ბილეთის საფასური: 
მოზრდილი 7 ლარი;
სტუდენტი 1 ლარი;
სკოლის მოსწავლე 50 თეთრი;
პენსიონერი 50 თეთრი;
ბავშვი 6 წლამდე უფასო;

*ბილეთების შეძენა ასევე შესაძლებელია ელექტრონულად ვებგვერდზე:biletebi.ge 

შესაბამისი დოკუმენტის წარდგენით მუზეუმში შესვლა უფასოა:
ICOM-ის წევრებისთვის, მუზეუმის მეგობრებისთვის, საქართველოსა და უცხოეთის სახელმწიფო მუზეუმების თანამშრომლებისთვის, შეზღუდული შესაძლებლობების მქონე პირთათვის, სოციალურად დაუცველი და იძულებით გადაადგილებულთათვის.