გამოფენა „თამაშის მდგომარეობა: ხელოვნება საქართველოში 1985-1999 წლებში"

22 ნოემბერი 2017
Share

საქართველოს ეროვნული მუზეუმი, იოსებ გრიშაშვილის სახელობის თბილისის ისტორიის მუზეუმში (ქარვასლა), პროექტის „თანამედროვე ხელოვნების გალერეა" ფარგლებში, წარმოგიდგენთ გამოფენას  „თამაშის მდგომარეობა: ხელოვნება საქართველოში 1985-1999 წლებში".

გამოფენაზე წარმოდგენილი იქნება 80-90-იან წლებში საქართველოში მოღვაწე იმ 24 არტისტის შემოქმედება, რომელთაც დიდი წვლილი შეიტანეს პოსტსაბჭოთა საქართველოს რთული პერიოდის სახელოვნებო პროცესისა და ვიზუალური ხელოვნების გარდაქმნაში. ეს ხელოვანები არიან: გია ეძგვერაძე, გურამ წიბახაშვილი, ვახო ბუღაძე, თეა გვეტაძე, თემო ჯავახიშვილი, ილიკო ზაუტაშვილი, კარლო კაჭარავა, კოკა რამიშვილი, კოტე სულაბერიძე, კოტე ჯინჭარაძე, ლევან ჭოღოშვილი, ლია შველიძე, ლუკა ლასარეიშვილი, მაია ნავერიანი, მაია ცეცხლაძე, მალხაზ დათუკიშვილი, მამუკა ჯაფარიძე, მამუკა ცეცხლაძე, მიშა გოგრიჭიანი, მურთაზ შველიძე, ნიკო ცეცხლაძე, ოლეგ ტიმჩენკო,  უშანგი ხუმარაშვილი და ქეთი კაპანაძე.

ექპოზიციაზე ასევე წარმოდგენილი იქნება გურამ წიბახაშვილის მიერ შექმნილი ამავე პერიოდის ამსახველი ფოტოდოკუმენტაცია.

გამოფენის ფარგლებში, მოწვეულნი არიან 90-იანი წლების პოსტსაბჭოთა რეგიონის ხელოვნების თემატიკაზე მომუშავე უცხოელი ხელოვნების კრიტიკოსები და კურატორები: ბერალ მადრა და ვიქტორ მიზიანო, რომლებიც გაგვაცნობენ კვლევას ხელოვნების გლობალური ტენდენციების შესახებ.

გამოფენის ფარგლებში, ასევე გაიმართება კატალოგის პრეზენტაცია და დოკუმენტური ფილმის ჩვენება, რომელიც ქართველი ხელოვანების შემოქმედებით პროცესებს ასახავს. ფილმი მომზადდა გერმანია-საქართველოს წლის ფარგლებში და, პირველ ეტაპზე, 3 ხელოვანის შემოქმედებაზე მოგვითხრობს - კოკა რამიშვილი, ქეთი კაპანაძე, მამუკა ჯაფარიძე.

პროექტი თანამედროვე ხელოვნების გალერეა ხორციელდება კულტურისა და ძეგლთა დაცვის სამინისტროს და შემოქმედებითი საქართველოს მხარდაჭერით.

პროგრამა

28.11.17
18:30-20:00 -  გამოფენის გახსნა
19:00-19:30 - კურატორის ჩარლზ მერევეზერისა და ხელოვნების კრიტიკოსის ბერალ მადრას ტური გამოფენაზე (სამუშაო ენა: ინგლისური, ქართული თარგმანით)


05.12.17
13:00-16:00 - გამოფენის კატალოგის პრეზენტაცია - ჩარლზ მერევეზერი, ლიკა მამაცაშვილი
დოკუმენტური ფილმის პრეზენტაცია „ქართველი ხელოვანები უცხოეთში", რეჟისორი ლევან ადამია
მრგვალი მაგიდა: ხელოვნება საქართველოში 1985-1999 წლებში.
მოწვეული სტუმარი: ვიქტორ მიზიანო
მომხსენებლები: თამარ მჭედლიშვილი -80-90იანი წლების მკვლევარი, თსუ დოქტორანტი;
თეონა ჯაფარიძე - არტ ჟურნალისტი და გამოფენის მონაწილე მხატვრები
მოდერატორი: ლიკა მამაცაშვილი 
(სამუშაო ენა: ქართულ-ინგლისური)

12.12.17

14:00-18:00 - ხელოვნებათმცოდნეობის დოქტორის, თბილისის ისტორიის მუზეუმის თანამშრომლის ქეთი ტრაპაიძის ლექცია 80-90იანი წლების ხელოვნებისა და გამოფენის შესახებ (სამუშაო ენა: ქართული).

19.12.17
16:00-17:00 - მოხსენება თსუ-ს 2017 წლის შემოდგომის ფსიქოლოგიური ანთროპოლოგიის სემინარების სერიის ფარგლებში: „კონფლიქტისა და ტრავმის ვიზუალური ინტერფეისი 1980-90-იანი წლების საქართველოში" ლალი პერტენავა, კურატორის ასისტენტ (სამუშაო ენა: ქართული).

10.01.2018
16:00-18:00 - ფინისაჟი

მისამართი: იოსებ გრიშაშვილის სახელობის თბილისის ისტორიის მუზეუმი (ქარვასლა), სიონის ქ.8