პრესრელიზები

04 სექტემბერი 2013

დმანისის საზაფხულო სკოლის პრეზენტაცია

2013 წლის 4 სექტემბერს 14:00 საათზე საქართველოს ეროვნული მუზეუმი დმანისის მუზეუმ-ნაკრძალის მიმდებარე ტერიტორიაზე გიწვევთ „დმანისის საზაფხულო სკოლის" პრეზენტაციაზე. 
01 სექტემბერი 2013

Punctum Contra Punctum II

2013 წლის 1 სექტემბერს 17:00 საათზე საქართველოს ეროვნული  მუზეუმი დიმიტრი შევარდნაძის სახელობის ეროვნულ გალერეაში წარმოგიდგენთ ვიზუალური ხელოვნების საერთაშორისო ფესტივალს ,,Punctum Contra Punctum II".  
24 აგვისტო 2013

ხალხური რეწვის გაკვეთილები 2013

საქართველოს ეროვნული მუზეუმი ქართული ხალხური რეწვის მხარდაჭერის პროგრამის ფარგლებში 2013 წლის 24 აგვისტოდან ყოველ-შაბათ კვირას 13:00-დან 17:00 საათამდე გიწვევთ ხალხური რეწვის ღია გაკვეთილებზე გიორგი ჩიტაიას სახელობის ეთნოგრაფიულ მუზეუმში ღია ცის ქვეშ. 
22 აგვისტო 2013

სამეცნიერო პროექტის „ოქრო საქართველოში” საველე პრეზენტაცია

2013 წლის 22 აგვისტოს 14:00 საათზე საქართველოს ეროვნული მუზეუმი, ბოხუმის სამთო მუზეუმი და ბოხუმის რურის უნივერსიტეტი წარმოგიდგენთ პროექტის -,,ოქრო საქართველოში" საველე პრეზენტაციას. 
17 აგვისტო 2013

სვანეთის მუზეუმი შოთა ჩართოლანის დაბადების დღისადმი მიძღვნილ ღონისძიებას უმასპინძლებს

2013 წლის 17 აგვისტოს 12 საათზე საქართველოს ეროვნული მუზეუმი სვანეთის ისტორიის და ეთნოგრაფიის მუზეუმში წარმოგიდგენთ არქეოლოგ შოთა ჩართოლანის დაბადების დღისადმი მიძღვნილ ღონისძიებას.
10 აგვისტო 2013

„პრეისტორიული თამაშები” დმანისშე

2013 წლის 10 აგვისტოს 13:00 საათზე საქართველოს ეროვნული მუზეუმი წარმოგიდენთ სპორტულ-საგანმანათლებლო ღონისძიებას „პრეისტორიული თამაშები“ დმანისის მუზეუმ–ნაკრძალის მიმდებარე ტერიტორიაზე. 
29 ივლისი 2013

არქეოლოგიური აღმოჩენა ბაგინეთში

საქართველოს ეროვნული მუზეუმის არქეოლოგიურმა ჯგუფმა,  არმაზციხე-ბაგინეთში აღმოაჩინა II-III საუკუნის კერამიკა, სარძევე და მინის ჭურჭელი, ხელადები, სანელსაცხებლეები და ათას რვაასი წლით დათარიღებული  სათამაშო, ნიღბიანი კაცის გამოსახულებით. არქეოლოგებმა, 250 კვმ მიწის ფართობზე, ერთმანეთთან ღიობებით დაკავშირებული ყაზარმული ტიპის ათი ნაგებობა აღმოაჩინეს. ასევე გამოვლენილია ორი ტიპის ბრტყელი და ღარიანი - იბერიული ე.წ მცხეთური კრამიტი.     
25 ივლისი 2013

არქეოლოგიური აღმოჩენა - მრავალფენიანი ძეგლი „დედოფლის გორა"

საქართველოს ეროვნული მუზეუმის და ვენეციის კა-ფოსკარის უნივერსიტეტის საერთაშორისო არქეოლოგიურმა ექსპედიციამ ქარელის რაიონში, ,,დედოფლის გორის"  შესწავლისას აღმოაჩინა ძვ.წ. I ათასწლეულის I ნახევრით დათარიღებული გალავანი და სათავსოები. აგრეთვე, გამოვლინდა ანტიკური ხანის ,,სასახლის" საკურთხეველი, მცირე ზომის ქანდაკების პოსტამენტი, ბრინჯაოს თასები და სხვა.    
24 ივლისი 2013

კავკასიის იბერიის სამთავროს სასაფლაო: უახლესი კვლევები

2013 წლის 24 ივლისს 17:00 საათზე საქართველოს ეროვნული მუზეუმის სამეცნიერო კაფე წარმოგიდგენთ ავსტრალიის მელბურნის უნივერსიტეტის დოქტორანტისა და საქართველო-ავსტრალიის არქეოლოგიური კვლევების ფარგლებში მიმდინარე გათხრების მონაწილე, ალექსანდრა მიშალევიჩის ლექციას თემაზე "კავკასიის იბერიის სამთავროს სასაფლაო: უახლესი კვლევები".    
23 ივლისი 2013

გამოფენა ,,ფიროსმანი 150”

დამთვალიერებელთა განსაკუთრებული ინტერესისა და თხოვნის გათვალისწინებით საქართველოს ეროვნული მუზეუმის დიმიტრი შევარდნაძის სახელობის ეროვნულ გალერეაში  წარმოგიდგენთ ნიკო ფიროსმანის განახლებულ ექსპოზიციას.    
23 ივლისი 2013

საერთაშორისო სემინარი მესტიაში: ,,მუზეუმის თანამედროვე მოდელი პოსტ-საბჭოთა ქვეყნებში”

სვანეთის განახლებულ მუზეუმში 23-26 ივლისს საქართველოს ეროვნული მუზეუმი, საქართველოში გოეთეს ინსტიტუტის მხარდაჭერით, ბერლინის სახელმწიფო მუზეუმებთან და პრუსიის კულტურული მემკვიდრეობის ფონდთან თანამშრომლობით ატარებს საერთაშორისო სემინარს.    
17 ივლისი 2013

ევრაზიის უძველესი ადამიანი დმანისიდან

2013 წლის 17 ივლისს 18:00 საათზე საქართველოს ეროვნული მუზეუმის სამეცნიერო კაფე წარმოგიდგენთ ჩრდილოეთ ტეხასის უნივერსიტეტის პროფესორის რიდ ფერინგის პრეზენტაციას თემაზე "ევრაზიის უძველესი ადამიანი დმანისიდან".