პრესრელიზები

04 ოქტომბერი 2018

ალბერტინას მუზეუმი ნიკო ფიროსმანაშვილის გამოფენას უმასპინძლებს

საქართველოს განათლების, მეცნიერების, კულტურისა და სპორტის სამინისტროს მხარდაჭერით, ვენის ალბერტინას მუზეუმი ნიკო ფიროსმანაშვილის გამოფენას უმასპინძლებს. აღნიშნულ თემასთან დაკავშირებით, 5 ოქტომბერს, 11:00 საათზე, დიმიტრი შევარდნაძის სახელობის ეროვნულ გალერეაში პრესკონფერენცია გაიმართება. 
28 სექტემბერი 2018

ნანა ბურჭულაძის ლექცია - "სვანეთის ხატები ბიზანტიური ხელოვნების კონტექსტში"

3 ოქტომბერს, 16:00 საათზე, სვანეთის ისტორიისა და ეთნოგრაფიის მუზეუმში გაიმართება შ. ამირანაშვილის სახელობის ხელოვნების მუზეუმის მთავარი კურატორის, ნანა ბურჭულაძის ლექცია - „სვანეთის ხატები ბიზანტიური ხელოვნების კონტექსტში". 
25 სექტემბერი 2018

ლია ბაგრატიონი - თიხა როგორც მეხსიერების ჭურჭელი

29 სექტემბერს, 15:00 საათზე, პროექტის „თანამედროვე ხელოვნების რუკა" ფარგლებში, კერამიკოსი ლია ბაგრატიონი გაუძღვება ინტერაქტიულ თამაშს „თიხა როგორც მეხსიერების ჭურჭელი". 
25 სექტემბერი 2018

ახალი ტექნოლოგიები კულტურული მემკვიდრეობის დაცვისა და პოპულარიზაციისთვის: იტალიური გამოცდილება

ივანე ჯავახიშვილის სახელობის თბილისის სახელმწიფო უნივერსიტეტი, იტალიის საელჩო საქართველოში და საქართველოს ეროვნული მუზეუმი, მეცნიერებისა და ინოვაციების ფესტივალის ფარგლებში, გიწვევთ პანელ-დისკუსიაზე - ახალი ტექნოლოგიები კულტურული მემკვიდრეობის დაცვისა და პოპულარიზაციისთვის: იტალიური გამოცდილება. 
24 სექტემბერი 2018

ხელნაწერი „ვეფხისტყაოსნის" წარდგენა და შეხვედრა მოქანდაკე გუჯი ამაშუკელთან

საქართველოს ეროვნულ მუზეუმში გაიმართა ხელნაწერი „ვეფხისტყაოსნის" წარდგენა და შეხვედრა მოქანდაკე გუჯი ამაშუკელთან.
20 სექტემბერი 2018

საქართველოს ეროვნული მუზეუმი ფრანკფურტის წიგნის ბაზრობაზე

ფრანკფურტის საერთაშორისო წიგნის ბაზრობის საპატიო სტუმრის პროგრამის ფარგლებში, საქართველოს მთავრობის დადგენილებით და საქართველოს განათლების, მეცნიერების კულტურისა და სპორტის სამინისტროს ინიციატივით, საქართველოს ეროვნული მუზეუმი 2018 წლის შემოდგომაზე გეგმავს სამ გამოფენას და საგანმანათლებლო პროგრამებს ქ. ფრანკფურტის სხვადასხვა მუზეუმში, რომელთა მიზანია წარმოვადგინოთ ადამიანის განვითარების ისტორია საქართველოსა და კავკასიის ტერიტორიაზე პრეისტორიული ეპოქიდან ანტიკური ხანის ჩათვლით.
19 სექტემბერი 2018

ფოტოგამოფენა „დიეგო და ფრიდა. ღიმილი შუა გზაზე“

„დიეგო და ფრიდა. ღიმილი შუა გზაზე“ - საქართველოს ეროვნული მუზეუმი, მექსიკის შეერთებული შტატების საელჩო საქართველოში და საქართველოს საგარეო საქმეთა სამინისტრო სიღნაღის მუზეუმში წარმოგიდგენთ ფოტოგამოფენას დიეგო რივერასა და ფრიდა კალოს სტუდია-მუზეუმიდან (Museo Casa Estudio Diego Rivera y Frida Kahlo). გამოფენის გახსნა: 28 სექტემბერი, 16:00.
17 სექტემბერი 2018

Barocco - საოცარი მარგალიტი

საქართველოს ეროვნული მუზეუმის საგანმანათლებლო ცენტრი, იტალიური გამოფენის „ბერნინი და რომაული ბაროკო" ფარგლებში, გთავაზობთ ახალ საგანმანათლებლო პროგრამას „Barocco - საოცარი მარგალიტი". 
17 სექტემბერი 2018

ილიკო ზაუტაშვილის გამოფენა - „ყველა ურთიერთობას თავისი იდეოლოგია აქვს"

საქართველოს ეროვნული მუზეუმის თბილისის ისტორიის მუზეუმში, პროექტის ,,თანამედროვე ხელოვნების გალერეა" ფარგლებში, გაიმართება ილიკო ზაუტაშვილის პერსონალური გამოფენა - „ყველა ურთიერთობას თავისი იდეოლოგია აქვს".    
14 სექტემბერი 2018

მაია პატარიძის ლექცია სვანეთის ნუმიზმატიკური მასალის შესახებ

16 სექტემბერს, 18:00 საათზე, სვანეთის ისტორიისა და ეთნოგრაფიის მუზეუმის აუდიტორიაში გაიმართება საქართველოს ეროვნული მუზეუმის უფროსი მეცნიერ-თანამშრომლის, მაია პატარიძის ლექცია - „სვანეთში აღმოჩენილი ნუმიზმატიკური მასალის პოლიტიკურ-ეკონომიკური და ეთნოლოგიურ-კონფესიური ასპექტები ძვ. წ. V - ახ.წ. XVIII საუკუნეებში" (თემა წარმოადგენს მ. პატარიძის სადისერტაციო ნაშრომს). 
14 სექტემბერი 2018

სიჩუმის რეზოლუცია - აფხაზეთი

ფონდი ევროარტი (საქართველო) და ფონდი არტექო (ნიდერლანდების სამეფო) ქართველ და უცხოელ პარტნიორებთან ერთად,  საქართველოს ეროვნული მუზეუმის ს.ჯანაშიას საქართველოს მუზეუმში წარმოგიდგენთ ფრანგი ფოტოხელოვანის, ორელიენ ვილეტის ფოტოგამოფენას: „სიჩუმის რეზოლუცია - აფხაზეთი".