ჩატარებული ღონისძიებები

10 დეკემბერი 2014

პროფესორ სტეფან ბატიუკის საჯარო ლექცია

საქართველოს ეროვნული მუზეუმისა და ღვინის ეროვნული სააგენტოს ერთობლივი პროექტის ,,ქართული ვაზისა და ღვინის კულტურის პოპულარიზაცია" ფარგლებში 10 და 11 დეკემბერს წარმოგიდგენთ ტორონტოს უნივერსიტეტის ახლო და შუა აღმოსავლეთის ცივილიზაციათა დეპარტამენტის და არქეოლოგიის ცენტრის მკვლევარის, პროფესორ სტეფან ბატიუკის საჯარო ლექციებს  
20 ნოემბერი 2014

საერთაშორისო კონფერენცია ,,სამხრეთ კავკასიისა და ანატოლიის ადრელითონების ხანის არქეოლოგიის პრობლემები“

საქართველოს ეროვნული მუზეუმის ოთარ ლორთქიფანიძის სახელობის არქეოლოგიის ცენტრი და შოთა რუსთაველის სამეცნიერო ფონდი 20-22 ნოემბერს წარმოგიდგენთ საერთაშორისო კონფერენციას სახელწოდებით ,,სამხრეთ კავკასიისა და ანატოლიის ადრელითონების ხანის არქეოლოგიის პრობლემები".
18 ნოემბერი 2014

თანამშრომლობა საქართველოს ეროვნულ მუზეუმსა და აზერბაიჯანის ხელოვნების ეროვნულ მუზეუმს შორის

2014 წლის 18 ნოემბერს ბაქოში ხელი მოეწერა თანამშრომლობის მემორანდუმს საქართველოს ეროვნულ მუზეუმსა და აზერბაიჯანის ხელოვნების ეროვნულ მუზეუმს შორის. ხელის მოწერის შემდეგ აზერბაიჯანის ხელოვნების ეროვნულ მუზეუმში ქართველ მხატვართა ნამუშევრების გამოფენა გაიმართა.
13 ნოემბერი 2014

ერმიტაჟი - დოკუმენტური ფილმის ჩვენება საქართველოს ეროვნულ მუზეუმში

2014 წლის 13 ნოემბერს 17:00 საათზე საქართველოს ეროვნული მუზეუმი გიწვევთ რეჟისორ ვახტანგ მიქელაძის მიერ ერმიტაჟის მუზეუმის შესახებ 2014 წელს გადაღებული დოკუმენტური ფილმის ჩვენებაზე.
09 ნოემბერი 2014

ძვ.წ. 8-7 საუკუნეების უმნიშვნელოვანესი აღმოჩენა

საქართველოს ეროვნული მუზეუმის სპეციალისტებმა პრევენციული არქეოლოგიური სამუშაოების შედეგად დმანისის რაიონის სოფელ განთიადთან უმნიშვნელოვენეს აღმოჩენას მიაკვლიეს.
03 ნოემბერი 2014

,,საქართველოს ილუსტრირებული ისტორია” - პირველი ტომის პრეზენტაცია

2014 წლის 3 ნოემბერს 19:00 საათზე საქართველოს ეროვნული მუზეუმის სიმონ ჯანაშას სახელობის საქართველოს მუზეუმში გამომცემლობა ,,პალიტრა L"-ის წიგნის ,,საქართველოს ილუსტრირებული ისტორია" პირველი ტომის პრეზენტაცია გაიმართა.
31 ოქტომბერი 2014

პროექტი „გამიცანი“

2014 წლის 31 ოქტომბერს 17:00 საათზე საქართველოს ეროვნული მუზეუმის დიმიტრი შევარდნაძის სახელობის ეროვნული გალერეა უმასპინძლებს დაუნის სინდრომის მქონე მოზარდებს, პროფესიონალ მხატვრებსა და სახელმწიფოს პირველ პირებს, შემოქმედებით საღამოზე, სადაც მოწვეული სტუმრები შექმნიან ერთობლივ ნახატებს.
24 ოქტომბერი 2014

წიგნის „Власть и герой. Наполеон Бонапарт“ საჯარო განხილვა

2014 წლის 24 ოქტომბერს 16:00  საათზე საქართველოს ეროვნული მუზეუმის აუდიტორიაში გიწვევთ პროფესორ ივანე მენთეშაშვილის წიგნის  „Власть и герой. Наполеон Бонапарт" საჯარო განხილვაზე.
29 სექტემბერი 2014

ძვ.წ.VI ათასწლეულის ნამოსახლარის აღმოჩენა ბოლნისის მუნიციპალიტეტში

საქართველოს ეროვნული მუზეუმისა და გერმანიის არქეოლოგიის ინსტიტუტის ევრაზიის განყოფილების გაერთიანებულმა საერთაშორისო ექსპედიციამ, ბოლნისის რაიონის სოფ. ნახიდურში, არუხლოს ნამოსახლარზე ძვ.წ.VI ათასწლეულით დათარიღებული საცხოვრებელი და სამეურნეო ნაგებობები გამოავლინა.
28 სექტემბერი 2014

ონტოფოს გაცოცხლებული სახლი

28 სექტემბერს 14:00 საათზე საქართველოს ეროვნული მუზეუმი გ. ჩიტაიას სახელობის ეთნოგრაფიულ მუზემში წარმოგიდგენთ „ონტოფოს გაცოცხლებული სახლის“ პრეზენტაციას.
24 სექტემბერი 2014

მესტიის მუზეუმი საერთაშორისო კონფერენციას მასპინძლობს

2014 წლის 24-25 სექტემბერს საქართველოს ეროვნული მუზეუმის სვანეთის ისტორიისა და ეთნოგრაფიის მუზეუმი გიწვევთ საერთაშორისო კონფერენციაზე სახელწოდებით  „მსოფლიო მემკვიდრეობა და მდგრადი განვითარება“.
22 სექტემბერი 2014

ICOM/ICAMT-ის მე-40 საერთაშორისო კონფერენცია

ICOM/ICAMT-ისა (არქიტექტურისა და სამუზეუმო ტექნიკის საერთაშორისო კომიტეტი) და ICOM-ის საქართველოს ეროვნული კომიტეტის ორგანიზებით და საქართველოს კულტურისა და ძეგლთა დაცვის სამინისტროს, საქართველოს ეროვნული მუზეუმისა და საქართველოს კულტურული მემკვიდრეობის დაცვის ეროვნული სააგენტოს ხელშეწყობით, მიმდინარე წლის 22-26 სექტემბერს წარმოგიდგენთ ICOM/ICAMT-ის მე-40 საერთაშორისო კონფერენციას თემაზე: „მუზეუმ-ნაკრძალები - ისტორიის სათავეებთან".